Finn fram eller lag nokre nummererte kort, mellom 10 og 20 er nok. Du kan for eksempel bruke alle korta av éin sort i ein kortstokk (hjarter, ruter, kløver, spar).
Bland korta og legg dei på bordet, sorterte i stigande rekkjefølgje.
Kva metode brukte du for å leggje dei i stigande rekkjefølgje?
Kan du kome på ein annan metode å sortere korta på?
Nedanfor er det gjort greie for nokre sorteringsalgoritmar som du kan prøve. Det kan vere lurt å leggje alle korta i ei rad på bordet, for at det skal vere enkelt å halde oversikt over det som skjer.
Prøv kvar algoritme nokre gonger, og hald oversikt over kor mange «trekk» eller «byte» du utfører. Du kan også samarbeide med ein annan og konkurrere om å sortere raskast.
Om du ikkje heilt forstår nokre av dei skriftlege algoritmane, kan du sjå på filmane under Starthjelp, som viser algoritmane i praksis.
Her er nokre spørsmål du kan arbeide med:
Denne oppgåva tek utgangspunkt i konteksten sortering av spelekort for å gjere elevane nysgjerrige på effektiviteten til forskjellige sorteringsalgoritmar.
Ved å undersøkje kor lang tid kvar metode tek ved verst/best mogleg utgangspunkt, kan oppgåva brukast til å introdusere og belyse meir eller mindre komplekse algoritmar. Det kan også vere ein programmeringsaktivitet, der det er naturleg å bruke og sortere lister.
Når elevane får møte mange forskjellige algoritmar som har same funksjon, håpar vi at dei vil reflektere over fordelane med å ha mange forskjellige verktøy i den «matematiske verktøykassen» når dei skal løyse problem.
Kvar elev treng alle korta frå ess til konge av éin sort i ein kortstokk. Alternativt kan dei bruke andre nummererte kort. «Bland korta dykkar og legg dei i rekkjefølgje frå ess til konge. Sjå på korleis andre sorterer korta sine. Gjer de det på same måten? Kor effektiv er måten din?»
Deretter kan du vise filmane under Starthjelp, eller dele ut kopioriginalen. Elevane bør prøve å forstå algoritmane før dei prøver dei sjølve.
«Gjennomfør kvar algoritme nokre gonger for å bli betre kjend med han. Deretter vel du to algoritmar som du vil samanlikne. Kva for ein er raskast? Kvifor? Kan du plassere korta dine i det verst tenkjelege utgangspunktet for kvar av dei to algoritmane, for å få det til å ta så lang tid som mogleg?»
Gi elevane tid til å utforske både spørsmåla nedanfor og spørsmåla i oppgåva eller kopioriginalen:
Diskuter funn og oppdagingar saman med heile klassen.
Utfordre elevane til å bruke ein pseudokode eller eit programmeringsspråk dei kjenner, for å uttrykkje algoritmane.
Introduser éin algoritme om gongen. Denne nettsida https://www.toptal.com/developers/sorting-algorithms kan visualisere algoritmane, og kan hjelpe elevane til å forstå dei forskjellige metodane.
Ressursen er utviklet av NRICH